LOCALIZED LOCKDOWN SA 1 (USA) KA HOUSEHOLD SA PUROK 1, SAMPAGAR, DAMULOG, BUKIDNON UG FOCUSED CONTAINMENT ARON MAPUGNGAN ANG POSIBLENG PAGDAGHAN SA KASO SA COVID19, GIPATUMAN

Setyembre 25, 2020 – Nasayran nga adunay usa ka pasyente nga nag positibo sa kaso sa COVID-19, nga unang kaso sa Local Transmission sa Damulog,Bukidnon. Agi pagsiguro nga mapugngan ang posibleng pagdaghan sa kaso sa COVID19 ug malikayan nga makapanakod kini, ang atong Municipal Mayor Melino L. Buro mipakanaug og bag-ong ORDER-EHEKUTIBO NUMERO 64, pinitsahan Setyembre 25, 2020 nga ang epekto mao ang pag deklara og LOCALIZED LOCKDOWN SA USA KA HOUSEHOLD SA PUROK 1, SAMPAGAR, DAMULOG, BUKIDNON UG FOCUSED CONTAINMENT sugod Setyembre 25, 2020 12mn.

Ang detalye mao ang mosunod:

1. Localized Lockdown. Ang pamilya sa pasyente nga nagpositibo sa Covid19 Case No. 4 (DAM-4) nga anaa sa purok 1, Sampagar, Damulog, Bukidnon ipailalum sa Localized Lockdown ug focused containment diin striktong ginadili ang pagsulod ug paggawas sa maong lugar sugod Setyembre 25, 2020 midnight.

2. Ang Focused Containment Strategy adunay upat ka kategorya:

a. Critical Zone (CrZ) – 1 (usa) ka panimalay nga anaa sa Purok 1,Barangay Sampagar, Damulog, Bukidnon; striktong ginadili ang pagsulod ug paggawas sa mga tawo sa maong lugar. Ipailalom sila sa Localized Lockdown ug Focused Containment/community quarantine.

b. Containment Zone (CZ) – tanang panimalay o establisyemento nga nasulod sa 500 metros radius gikan sa Critical Zone nga anaa sa Purok 1,Sampagar,Damulog, Bukidnon; gitugot ang pag gawas sa panimalay apan limitado lamang sa pag access sa mga essential goods og services ug kadtong nanarbaho sa mga permitadong opisina, establisyemento ug gitugot nga mga aktibidadis. Ipailalom sila sa Modified Enhanced Community Quarantine (MECQ)

c. Buffer Zone (BZ) – mga panimalay ug establisyemento sa Barangay Sampagar, Damulog, Bukidnon nga nasulod sa 500 metros radius gikan sa Containment Zone (CZ); gitugot ang pag gawas ug sulod sa lugar nga nasulod sa Buffer Zone ug paingon sa Areas Outside Buffer Zone (OBZ) ug kinahanglan nga ipadayun ang pagsunod sa health protocols. Sila ipailalom sa General Community Quarantine (GCQ)

d. Areas Outside Buffer Zone (OBZ) – Ang Municipal Inter-Agency Task Force for Covid19 mopatuman og permissive socio-economic activities nga adunay pag imposar sa minimum public health standards sa maong lugar nga nasulod sa OBZ. Screening procedures sa mga entry points ipatuman kun kinahanglan; gitugot ang pagsulod og pag gawas sa Buffer Zone ug sa Areas Outside Buffer Zone, Apan Striktong ginadili ang pagsulod sa Critical Zone gawas lamang kun may emergency nga katuyuan. Sila ipailalom sa Modified General Community Quarantine (MGCQ)

3. Temporary Closure of Facilities and Establishments. Ang tanang pasilidad, negosyo, establisyemento lakip ang pasilidad sa gobyerno nga nasulod sa lugar nga giklasipikar nga Critical Zone isirado hangtud sa mahuman ang lockdown

4. Observance of Health Protocols. Ang tanang gobyerno ug pribadong pasilidad ug establisyemento nga gitugotan nga mag abri kinahanglan ipadayun ang hugot nga pagtuman sa standard health protocols sama sa social distancing, pagsuot sa face mask, gloves, ug uban pang personal protective equipment ingun man ang pag adopt sa skeletal staffing ug uban pang gikinahanglan nga gipatuman sa DOH.

5. Surveillance Activities and Contact Tracing. Padayon ang hugot nga pagbantay, case investigation, ug contact tracing sa posibleng nahimamat sa maong pasyente.

Hugot nga pag ampo, panag hiusa ug pagsinabtanay ang atong gikinahanglan sa karun. Salamat sa inyong kooperasyon.