49TH ARAW NG DAMULOG GIPAHIGAYON
Junebelle
August 17, 2020
Malampusong gipahigayon sa munisipyo sa Damulog ang ilang ika-49th Founding Anniversary atong nilabay Agosto 16, 2020 nga adunay tema “Pagsagubang sa hagit og kalisdanan, Mahimong sayon ug gaan inubanan sa Kadaghanan”
Insaktong alas singko sa buntag (5:00 am) gisugdan sa usa ka Ritwal ang maong selebrasyon nga gipangunahan sa Tri-People Community (Christians, Lumads, and Muslims) ug misunod ang Motorcade pagka alas otso imedya (8:30 am). Usa ka Holy Mass sa may alas 9:00 sa buntag ug gisundan dayun sa Flag Raising sa mga Punong Barangays.
Nakompleto ang maong aktibidad sa usa ka hamubo nga Culmination Program. Ang atong Sangguniang Panlalawigan Board Member Hon. Minerva “Bingbing” C. Casinabe ang Guest Speaker sa maong selebrasyon.
Taliwala sa problema sa COVID19, malampusong napahigayon sa munisipyo sa Damulog ang Bangga sa Tingog o “Online Solo Singing Contest” pinaagi sa pag upload sa ilang mga videos sa kanta og pag pag live Stream pinaagi sa ilang Facebook Page “Damulog Online Singing Contest.”
Ang selebrasyon nahimong malampuson gumikan sa Pagtimbaya sa Municipal Mayor Hon. Melino L. Buro, Sangguniang Bayan members gipangunahan ni Hon. Alberto Salmasan Sr, LGU Heads of Offices and Employees, Tri-People Community, inubanan sa dise syete (17) ka mga Punong Barangays, ug dakong pagsuporta sa tanang katawhan sa Damulog.