Municipality of Damulog
Office of the Municipal Mayor

PAHIBALO SA PUBLIKO NO. 1
Mayo 20, 2020

Ang atong Mayor, Melino L. Buro, mipakanaug ug bag-ong Order-Ehekutibo Numero 36, pinitsahan Mayo 20, 2020 nga ang epikto mao ang paghimog adjustment sa pipila ka probisyon sa pagpanalipod batok sa sakit nga coronavirus(COVID-19), apan pabilin ug istriktong sundon ang mga batakan ug nanag-unang pahimangno.

Ang detalye mao ang mosunod:

1. Gitugot na nga ang asawa mo backride sa motorcycle diin ang bana maoy mag drive. Gitugot usab ang ubang membro sa banay nga maoy sakay.
PABILIN ang polisiya nga USA (1) lamang ang gitugotan nga back ride sa single motor.

Kuyog niini mao ang nanag-unang batakang reglamento:
-Rehistrado ang Motor
-Adunay Lisensya ang Driver
-Mag soot ug Face Mask ang Driver u gang sakay

2. Alang sa Habal-Habal – Sama sa unang polisiya, usa lamang ang sakay

3. Alang sa Payong-Payong ug Tricycle – Mao lang gihapon ang polisiya nga duha lamang ka pasahero ang gitugot

4. Alang sa liquor ban. Gitugot na ang pagbaligya sa bino/alak. Apan wala gitugot ang pag-inom dinha sa publikong lugar. Adto sa kaugalingon ang pag-inom sa alak.
Ang bisan kinsa nga makahimog salaud hinungan O gumikan sa kahubog, mag-atubang gihapon sa silot subay sa naglungtad nga ordinansa.

5. Alang sa Curfew Hours. Pabilin nga istriktong ipatoman gkan sa alas 8:00 sa gabii hangtod sa alas 5:00 sa buntag.

6. Alang sa mga barber, manikurista, parlor shop. Pabilin nga gidili ang pag-abli O pag-operate. Gidasig kanila ang Home Service.

Correction:

Alang sa mga Barber og Parlor shops. Gitugot nga mag operate ang mga barberohan ug parlor shops. Sundon lamang ang social distancing aron dili magtapok/magkadool ang customer. Maghatag ug numero pananglit daghan ang customer.
See: https://www.facebook.com/…/a.107316654327…/107488044309952/…

7. Alang sa pagsunod sa ‘BALIK PROBINSYA PROGRAM” istriktong ipatoman sa Checkpoint nga dili pasudlon sa Damulog ang bisan kinsa nga mopauli kon walay ikapakitang CERTIFICATE OF ACCEPTANCE sa Punong Barangay sa dapit/lugar nga iyang paulian.